Khaak ho jao gy, afsaano men dhal jao gy
Ab to chehron k khadokhaal bhi pehly sy nhi
Kis ko maloom tha tum itny badal jao gy
Apny parcham ka kahin rang bhula mat dena
Surkh sholoon sy jo khelo gy to jal jao gy
Dy rahy hen tumhen jo log rafaqat ka fareb
Inki tareekh parho gy to dehl jao gy
Apni mitti py chalny ka saleeqa seekho
Sang'e mar mar py chlo gy to phisal jap gy
Khwaab gahoon sy nikalty huy darty q ho?
Dhoop itni to nhi hy k pighal jao gy
Tez qadmon sy bacho or tasadum sy bacho
Bheerh men sust chalo gy to kuchal jao gy
Hamsafar dhoondho na rehbar ka sahara chaho
Thokren khao gy to khud hi sambhal jao gy
Tum ho aik zinda'o javed rewait k charaagh
Tum koi shaam ka sooraj ho k dhal jao gy
Subha saadiq muje matloob hy ks sy maangoon?
Tum to bholy ho charaghon sy behl jao gy
Iqbal Azeem
No comments:
Post a Comment